HomeFAQMemberlistUsergroupsSearchRegisterLog in

Share | 
 

 Tambagi ko Noy Kulas: Wa pay gugma

Go down 
AuthorMessage
xtemplar
Walay Lingaw
avatar

Number of posts : 211
Age : 36
Registration date : 2007-09-24

PostSubject: Tambagi ko Noy Kulas: Wa pay gugma   Thu Jun 12, 2008 10:31 am

Tambagi ko Noy Kulas: Wa pay gugma

Dear Noy Kulas,
Maayong hapon kanimo ug sa tanang readers sa Internet dire sa sunstar.com. Noy di ikalibak usa ko sa tigbasa sa Internet sa Sun.Star. Tawaga lang ko sa angga nga Mr. Em, 25 years old. Mangayo lang ko og gamay nga advice about sa akong problema.
Usa ko ka OFW sa Middle East pero naa koy GF sa Pilipinas. Unya karon mabdos siya ug ako ang amahan (para lang klaro). Sa pagkatinuod lang way problema sa akoa ang obligasyon pagka amahan. Andam ko nga manubag isip amahan sa among mahimong anak apan ang labing dakong problema di ko andam manubag isip BANA niya.
Sa Internet mi una nagkaila then kaduha pa miy nagkita sulod sa usa ka tuig. Magsuportahan man pod ko niya labi na karon nga buros siya pero di man gyud nako mapugos ang akong dughan nga pakaslan siya. Di pa ko andam nga mopirma og kontrata sa kasal. Karon nahadlok ko mosulti niya og mobalibad ko basin unsa unya iyang buhaton labi na karon kay mabdos siya unya gusto na gyud niya nga magminyo na miy sa daling panahon. Feeling nako maora kog naghikog kon magpakasal ko niya. Maorag di sama anang nahigugma gyud ta sa usa ka tawo nga whatever it takes ug bisan pag si GEORGE BUSH iyang papa, wa gyuy makapugong makigminyo ba.
Okay man pod siya nga pagkababaye. Buotan, di tantong gwapa pero hitsuraan kong atimanon lang gamay sa salon ug porsigedo kaayo sa among relasyon. Apan, akong gibati para kaniya di pa man gud klaro, maorag naay kahadlok. I think I need a little time para mailhan nako siya apan di pod ko pwede mo-resign kay naa man koy trabaho dire sa abroad.
Pero, Noy, unsaon man ni nako nga di pa man ko gusto makigminyo apan mahadlok man pod ko mobalibad niya basin di ko niya masabtan ug lain unya ang iyang buhaton. Apan, it doesnít mean nga man kon mobalibad ko nga wa gyud koy paglantaw niya. Itís just that I need more time aron gyud mailhan nako siya ug mosangko sa time nga mahigugma na jud ko niya. Di kaha maorag selfish ra sab ko?. Noy, I hope naa kay ikatambag gamay sa akong suliran. Salamat.
Best,
MR. EM
Mr. Em,
Daghan kaayong salamat sa imong pagsuwat nako. Bitaw, di man angay nga sanungon mog dali-dali ang iyang hangyo nga magminyo na mo. Di ka pa man gud andam nga magpakasal ning higayuna kaniya. Unfair nimo ug eventually, ngadto kaniya. Maingon tang managsama mong duha nga magpuyo unya nga magpakaaron ingnon. Ikaw way gugma niya unya magpatuo niya. Sa ngadto ngadto, hayan magkabuwag ra mong duha.
Sultihi siya nga magtigom ka pag kuwarta. Ayaw lang siya sultihi at this time nga di ka pa ready. Di ni maayog epekto ngadto kaniya kay gawas nga mabdos siya ug di pa mapakaslan dayon, mosamot ang kasakit kon mosulti kang wa ka pay gugma kaniya.
Ayaw sab nang nag-judge ka lang og nawong niya kay di baya na maoy sukdanan sa malipayong kaminyuon. Ang importante nga magkasinabot mong duha. Busa, ilha una siyag maayo ug hatagig panahon aron matudloan mo ang imong kaugalingon sa paghigugma kaniya.

NOY KULAS (kulassuper@sunstar.com.ph)
(Hunyo 12, 2008 isyu)

_________________
------------------------
Nothing special...
Back to top Go down
View user profile http://istambayan.forumotion.com
 
Tambagi ko Noy Kulas: Wa pay gugma
Back to top 
Page 1 of 1

Permissions in this forum:You cannot reply to topics in this forum
istambayan :: Tambayan Center :: Jokes Here-
Jump to: